Қазіргі уақытта күнделікті қажеттіліктерімізді қамтамасыз ететін көптеген қызметтерді біз гаджеттеріміздегі цифрлық сервистер арқылы аламыз. Цифрландыру жылжымайтын мүлік нарығының дамуының маңызды кезеңіне айналды, бұл әрбір девелопер, риелтор және түпкілікті тұтынушы үшін белгілі бір қарқын белгілеп отыр. Қазақстандық кәсіпкерлер тобы Airbnb-дің аналогы болып табылатын жаңа қосымшаны іске қосатынын жариялады. Pana стартапы, әзірлеушілердің айтуынша, қонақжайлылық саласында Қазақстандағы жетекші технологиялық компания болуды жоспарлап отыр. Жобаны жасаушылардың пікірінше, бұл жоспарлардың негізі бар, өйткені жобаның негізгі құрылтайшысы – **Aqniet Group** холдингі (2023 жылғы «Қазақстандағы 50 ірі жеке компания» рейтингінде 47-орында), ол халықаралық брендтерге тиесілі төрт қонақүйді басқарады. Сонымен қатар, бірнеше жыл бұрын Орталық Азияда алғашқылардың бірі болып тәулік бойы жеткізіп беру қызметі бар дәрі-дәрмектерді сатып алу үшін мобильді қосымшаны сәтті іске қосқан. Aqniet Group үшін жаңа саланың әлеуеті кем емес тартымды, өйткені соңғы статистикаға сәйкес, Қазақстанның әртүрлі онлайн-платформаларында 300 мыңнан астам белсенді тұрғын үйді жалға беру туралы хабарландыру бар. Pana сервисі – бұл кезекті «электрондық газет» емес, осы нарықтың барлық қатысушылары үшін интеграцияланған смарт-платформа. Мобильді қосымша **Pana қонақүй операторының экожүйесінің** бір бөлігі болады", - деп санайды әзірлеушілер.
